1000х90.jpg (78 KB)

Թուրքիայի մեջլիսի նախագահի պաշտոնում վերընտրվել է Իսմաիլ Քահրամանը

Armenpress 11:36, 21 Նոյեմբեր, 2017

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի Ազգային մեծ ժողովում նոյեմբերի 20-ին ընտրել են մեջլիսի խոսնակ. պաշտոնավարումը առաջիկա երկու տարիների ընթացքում ևս շարունակելու է իշխող «Արդարություն և զարգացում» կուսակցության ներկայացուցիչ Իսմաիլ Քահրամանը: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:

Մեջլիսի նախագահի ընտրությունները արդյունք են տվել միայն քվեարկության երրորդ փուլից հետո, երբ Քահրամանը ստացել է այդ փուլի համար պահանջվող 276 քվեն:

Քահրամանը մեջլիսի նախագահի պաշտոնում էր ընտրվել 2015 թվականի նոյեմբերի 22-ին՝ խորհրդարանական ընտրություններից հետո: 2017-ի նոյեմբերի 22-ին լրանում է այդ պաշտոնում նրա գտնվելու ժամկետը: Համաձայն Թուրքիայի Ազգային մեծ ժողովի ներքին կանոնադրության՝ ամեն նստաշրջանում մեջլիսի նախագահի ընտրություն է կատարվում երկու անգամ՝ 2-ական տարով:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am