Բարբիի արտադրողն առաջին անգամ հիջաբով տիկնիկ Է թողարկել


ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Mattel ընկերությունն առաջին անգամ հիջաբով տիկնիկ Է թողարկել. այն ներկայացվել Է ամերիկուհի սուսերամարտիկ Իբթիհաջ Մուհամադի տեսքով, որը, ելույթ ունենալով մուսուլմանական գլխաշորով, դարձել Է 2016 թվականի Օլիմպիական խաղերի բրոնզե մրցանակակիր, տեղեկացնում Է «Արմենպրես»-ը:

Ինչպես հայտնել Է խաղալիքներ արտադրողը, տիկնիկը թողարկվել Է Sheroes (female heroes, հերոս կանայք) շարքում, որը նվիրված Է այն կանանց, որոնք ոգեշնչում են աղջիկներին եւ ընդլայնում հնարավորությունների սահմաններն ամբողջ աշխարհում: Մուհամադն անձամբ Է մասնակցել տիկնիկի արտաքին տեսքի մշակմանը:

Արարողությանը, որտեղ տիկնիկն առաջին անգամ ցուցադրվել Է հանրությանը, Մուհամադն հիշել Է իր մանկությունը եւ այն, թե ինքը որքան Էր ցանկանում, որ իր Բարբին նման լինի իրեն եւ նույնպես հիջաբ հագած լինի:

Մարզուհին պատմել Է, որ ինքը քույրերի հետ միասին իրենց տիկնիկների համար մուսուլմանական գլխաշորեր Էին կարում:

Իբթիհաջ Մուհամադի տեսքով տիկնիկը վաճառքում կհայտնվի 2018 թվականին, հաղորդել Է «Ինտերֆաքս»-ը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am