Հայոց ցեղասպանության բանաձևին աջակցող կոնգրեսականների թիվն անցել է 100-ը
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ Ներկայացուցիչների պալատի Հայոց ցեղասպանության ճանաչման թիվ 220 բանաձևին աջակցող կոնգրեսականների թիվն անցել է 100-ը: «Արմենպրես»-ի փոխանցմամբ, Ամերիկայի Հայ դատի հանձնախումբն այս փաստը պայմանավորում է Հայոց ցեղասպանությանը նվիրված «Խոստումը» ֆիլմի արձանագրած հաջողություններով, «Ուրացման ճարտարապետները» վավերագրական ֆիլմի հանրային ցուցադրությամբ և ամռան ընթացքում կոնգրեսականների հետ իրականացված շփումներով:
Այս աշխատանքում հատկանշական քայլեր են իրականացրել նաև ԱՄՆ Կոնգրեսում հայկական հարցերով հանձնախմբի անդամներ Ջեքի Սփայերն ու Դեյվիդ Թրաթը:
Ամերիկայի Հայ Դատի հանձնախմբի գործադիր տնօրեն Արամ Համբարյանը դրական է գնահատել հատկապես այն իրողությունը, որ Ներկայացուցիչների պալատի հանրապետական և դեմոկրատ ամենաբարձրաստիճան պաշտոնյաները բանաձևին աջակցողների շարքում են:
Բանաձևին աջակցողների թիվն ընդլայնելու նպատակով Հայ Դատի Ամերիկայի արևելյան ու արևմտյան ափերի հանձնախմբերի ներկայացուցիչներն ավելի քան 200 հանդիպումներ են ունեցել կոնգրեսականների ու նրանց ներկայացուցիչների հետ:
Ներկայացուցիչների պալատ ներկայացված թիվ 220 բանաձևի համահեղինակներն են Դեյվիդ Թրաթը և Ադամ Շիֆը, իսկ դրան զուգահեռ Սենատին է ներկայացվել նաև թիվ 136 բանաձևը Ռոբերտ Մենենդեսի կողմից, որին աջակցել են Էդ Կրուզը, Թամ Ուտալը և Էդ Մարքին:
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան
- Սուդանի բանակը և հատուկջոկատայինները համաձայնել են մեկշաբաթյա
հրադադարի