ԱԳ նախարարի տեղակալ Աշոտ Հովակիմյանը հանդիպել է ՄԱԿ-ի հատուկ զեկուցող Դայինիուս Պուրասի հետ
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Սեպտեմբերի 25-ին ՀՀ ԱԳՆ-ում տեղի է ունեցել նախարարի տեղակալ Աշոտ Հովակիմյանի հանդիպումը Հոգեկան և ֆիզիկական առողջության բարձրագույն չափանիշներից օգտվելու յուրաքանչյուրի իրավունքի հարցերով ՄԱԿ-ի հատուկ զեկուցող Դայինիուս Պուրասի հետ:
Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, ողջունելով հյուրին՝ նախարարի տեղակալ Հովակիմյանը ներկայացրել է Հայաստանում վերջին տարիների ընթացքում մարդու իրավունքների ոլորտում արձանագրված առաջընթացը, Սահմանադրական փոփոխությունների արդյունքում իրականացվող բարեփոխումները:
Փոխնախարարը վերահաստատել է Հայաստանի պատրաստակամությունը շարունակելու համագործակցությունը ՄԱԿ-ի կառույցների, այդ թվում հատուկ ընթացակարգերի, պայմանագրային մարմինների և մոնիթորինգային այլ մեխանիզմների հետ՝ ուշադրություն հրավիրելով այն հանգամանքի վրա, որ դեռևս 2006թ. Հայաստանը բաց հրավեր է ուղարկել ՄԱԿ-ի բոլոր թեմատիկ ընթացակարգերին:Կարծիքներ
Հարցազրույցներ
Փաստ մեկնաբանությամբ