1000х90.jpg (78 KB)

Հայաստանցի զինծառայողները Վրաստանում կմասնակցեն Agile Spirit զորավարժություններին

Armenpress 15:17, 30 Օգոստոս, 2017
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Վրաստան-ՆԱՏՕ Agile Spirit բազմազգ զորավարժությունները Վրաստանում կանցկացվեն սեպտեմբերի 3-ից մինչեւ 11-ը: Այդ մասին, ինչպես տեղեկացնում Է «Արմենպրես»-ը, ասված Է Վրաստանի պաշտպանության նախարարության կայքում զետեղված հաղորդագրության մեջ: Վարժանքները կմեկնարկեն Օրֆոլո (Սամցխե Ջավախքի տարածաշրջան) զորափորձարանում:

Դրանց նպատակը ԱՄՆ-ի գործընկերների եւ գործընկեր մյուս երկրների զինծառայողների հետ վրացի զինվորականների փոխգործակցության բարելավումն Է, ինչպես նաեւ ճգնաժամերին հակազդելու պատրաստվածությունը եւ ՆԱՏՕ-ի արագ արձագանքման ուժերի կազմում մասնակցությունը համատեղ գործողություններին: Agile Spirit բազմազգ զորավարժություններն անցկացվում են ԱՄՆ-ի ծովային հետեւակայինների աջակցությամբ: Վարժանքները ենթադրում են դաշտային եւ շտաբային փուլեր:

Բացի Վրաստանից եւ ԱՄՆ-ից, զորավարժություններին կմասնակցեն Բուլղարիայի, Լատվիայի, Ռումինիայի, Ուկրաինայի եւ Հայաստանի զինծառայողները, հաղորդել Է Sputnik-ը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am