Գավառի պետթատրոնի նորակառույց շենքը շահագործման կհանձնվի այս տարվա հուլիսի սկզբին
ԳԱՎԱՌ, 14 ՀՈՒՆԻՍԻ, ԱՐՄԵՆՊՐԵՍ: Գավառ քաղաքի Լեւոն Քալանթարի անվան պետական դրամատիկական թատրոնի շենքը թատրոնի կոլեկտիվի եւ հանդիսատեսի առջեւ իր դռները կբացի 2016 թվականի հուլիսի առաջին օրերին: Ինչպես «Արմենպրես»-ին տեղեկացրեց պետթատրոնի շենքի շինարարական աշխատանքներն իրականացնող «Բազալտշին» ՍՊԸ տնօրեն Լյովա Մարտիրոսյանը, աշխատանքները ավարտին հասցնելու համար այս տարի պետական բյուջեի միջոցներից հատկացվել է 94 միլիոն դրամ, որը մեծ մասամբ արդեն իրացվել է:
«Այժմ իրականացնում ենք տեխնիկական բնույթի, տարածքի բարեկարգման, կահավորման աշխատանքներ, վերացնում նկատված մանր-մունր թերությունները: Մինչեւ հունիսի վերջերը շենքը կհանձնվի շահագործման»,-ասաց Լյովա Մարտիրոսյանը: Ըստ Գեղարքունիքի մարզպետարանի աշխատակազմի քաղաքաշինության վարչության կողմից ներկայացված տվյալների՝ Գավառի պետթատրոնի շենքի շինարարությունը տեւել է 4 տարի, որի ընթացքում ընդհանուր հաշվով պետական բյուջեի միջոցներից հատկացվել է շուրջ 780 միլիոն դրամ:
Խոսրով Խլղաթյան
Կարծիքներ
Հարցազրույցներ
Փաստ մեկնաբանությամբ