Իրանում իմամ Խոմեյնիի դամբարանի վրա հարձակման հետեւանքով զոհվել Է մեկ, վիրավորվել՝ հինգ մարդ
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Իրանի հիմնադիր իմամ Ռուհոլլա Մուսավի Խոմեյնիի դամբարանում տեղի ունեցած հրաձգության հետեւանքով, նախնական տվյալներով, զոհվել Է մեկ, վիրավորվել՝ հինգ մարդ: Ինչպես հայտնել Է Press TV հեռուստաալիքը, հարձակվողներից մեկը պայթյուն Է իրականացրել դամբարանի շենքում:
Tasnim գործակալության տվյալներով՝ արեւմտյան մուտքով դամբարան են ներխուժել մի քանի զինյալներ եւ անկանոն կրակ բացել: Այնուհետեւ նրանցից մեկը պայթյուն Է իրականացրել, երկրորդ հարձակվողն սպանվել Է անվտանգության ծառայությունների աշխատակիցների կողմից: Նաեւ ձերբակալված Է հարձակմանը մասնակցած մի կին: Mehr գործակալությունը հայտնել Է, որ դամբարանի մոտ պայթուցիկ սարք Է վնասազերծվել:
Անվտանգության նկատառումներով ժամանակավորապես փակված Է մետրոյի՝ դամբարանի մերձակա կայարանը:
Ավելի վաղ տեղեկացվել Է, որ չորս զինյալներ կրակ են բացել Իրանի խորհրդարանի շենքում, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ