Չինաստանի ՀՆԱ-ում թվային տնտեսության բաժինը գերազանցել Է 30 տոկոսը
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Չինաստանի թվային տնտեսությունը ներկայում կազմում Է երկրի ՀՆԱ-ի ընդհանուր ծավալի մոտավորապես երրորդ մասը, ինչը թույլ Է տալիս խոսել նրա՝ որպես ժողովրդական տնտեսության կարեւոր բաղադրիչի մասին: Այդ մասին, ինչպես տեղեկացնում Է «Արմենպրես»-ը՝ հղում անելով «Սինհուա» գործակալությանը, ասված Է Tencent Research Institute-ի զեկույցում:
2016 թվականին ՉԺՀ-ի թվային տնտեսության ծավալը կազմել Է 22,77 տրլն յուան (3,3 տրլն դոլար) կամ երկրի ՀՆԱ-ի 30,6 տոկոսը, ասված Է այն հետազոտության մեջ: Այն պատրաստվել Է թվային տնտեսության հարցերին նվիրված «Ինտերնետ պլյուս» գագաթնաժողովի կապակցությամբ, որը տեղի Է ունենալու Հանչժոու քաղաքում:
Էլեկտրոնային տնտեսության զարգացման առավել արագ տեմպերով քաղաքների վարկանիշում առաջատարը Պեկինն Է, երկրի մայրաքաղաքին հաջորդում են Շենչժենը, Շանհայը եւ Գուանչժոուն, հաղորդել Է «Ինտերֆաքս»-ը:
Կարծիքներ
Հարցազրույցներ
Փաստ մեկնաբանությամբ