Վուրգավանի դպրոցում «Արմաթ» ինժեներական լաբորատորիա է բացվել
ՍՏԵՓԱՆԱԿԵՐՏ, 11 ՀՈՒՆՎԱՐԻ, ԱՐՄԵՆՊՐԵՍ-ԱՐՑԱԽՊՐԵՍ: Արցախի Քաշաթաղի շրջանի Վուրգավան համայնքի միջնակարգ դպրոցում հունվարի 10-ին «Արմաթ» ինժեներական լաբորատորիա է բացվել: Լաբորատորիան բացվել է Ինֆորմացիոն տեխնոլոգիաների ձեռնարկությունների միության (ՀՀ) կողմից:
«Այս կենտրոնները երեխաների համար շփվելու և ժամանակակից աշխարհի հետ մրցունակ լինելու եզակի հնարավորություն են»,- բացման խոսքում ասել է ԻՏՁՄ համակարգող Սեդրակ Վարդանյանը:
Դպրոցի տնօրեն Մկրտիչ Փոթոյանը իր շնորհակալությունն է հայտնել Ինֆորմացիոն տեխնոլոգիաների ձեռնարկությունների միությանն՝ «Արմաթ» լաբորատորիա հիմնելու համար: Նրա խոսքով, դպրոցականների շրջանում մեծ ոգևորություն է առաջացրել լաբորատորիայի բացումը և նշել, որ բազմաթիվ աշակերտներ արդեն ցանկություն են հայտնել մասնակցել խմբակների աշխատանքներին: