Դեւիդ Բոուիի ցուցահանդեսը հաճախելիության ռեկորդ է սահմանել
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Լոնդոնում Դեւիդ Բոուիի հետահայաց ցուցահանդեսը ամենահաճախվողն է դարձել Վիկտորյայի եւ Ալբերտի թանգարանի պատմության մեջ, հաղորդում Է «Արմենպրես»-ը՝ հղում անելով BBC News-ին: David Bowie Is կոչվող ցուցադրանքը, որն ամբողջ աշխարհում ներկայացվել Է արդեն ութ հարթակներում, դիտել Է 1,5 միլիոն այցելու:
Շուրջ 312 հազար հանդիսական Է եղել բուն թանգարանում, որտեղ երաժշտի կյանքի եւ ստեղծագործության մասին ցուցահանդեսը մեկնարկել Է 2013 թվականին: Ընդամենը ցուցադրանքի միջազգային շրջագայությունը, որը կավարտվի 2017 թվականին, ներառում Է 10 քաղաք:
Ներկայում հետահայաց ցուցահանդեսը գործում Է Բոլոնիայի Արդի արվեստի թանգարանում, ինչից հետո այն կտանեն Տոկիո, իսկ այնուհետեւ՝Բարսելոն:
Ցուցադրանքում ներկայացված Է 300-ից ավելի օբյեկտ, այդ թվում ձեռագրեր, զգեստներ, լուսանկարներ եւ հազվագյուտ բեմիրեր երգչի ելույթներից:
Լոնդոնի Վիկտորյայի եւ Ալբերտի թանգարանը դեկորատիվ-կիրառական արվեստի եւ դիզայնի խոշորագույն թանգարանն Է աշխարհում: Այն աշխարհի առավել շատ հաճախվող գեղարվեստական թանգարանների քսանյակում Է: Թանգարանի մուտքն անվճար Է: