1000х90.jpg (78 KB)

ՀԱՊԿ գագաթնաժողովի շրջանակում Երևան կայցելեն անդամ պետությունների նախագահները

Armenpress 12:41, 15 Սեպտեմբեր, 2016

ԵՐԵՎԱՆ,  15 ՍԵՊՏԵՄԲԵՐԻ, ԱՐՄԵՆՊՐԵՍ: Հոկտեմբերին Երևանում կայանալիք Հավաքական անվտանգության պայմանագրի կազմակերպության գագաթնաժողովին սպասվում է ՀԱՊԿ անդամ բոլոր պետությունների նախագահների այցը Հայաստան: Այդ մասին կառավարության նիստից հետո լրագրողների հետ զրույցում նշեց ՀՀ փոխարտգործնախարար Շավարշ Քոչարյանը:

«Այդ գագաթնաժողովը վաղուց էր նախատեսված անցկացնել Երևանում, ՀԱՊԿ-ում այդ որոշումը վաղուց էր կայացված, քանի որ կառույցում նախագահելու է Հայաստանը: Ինչ վերաբերում է ՌԴ նախագահ Վլադիմիր Պուտինի այցին, ապա նշեմ, որ ՀԱՊԿ գագաթնաժողովին անդամ բոլոր երկրների նախագահներին սպասում ենք Հայաստանում»,- «Արմենպրես»-ի փոխանցմամբ, ասաց Քոչարյանը:

Միաժամանակ նա կարևորեց ՀԱՊԿ գլխավոր քարտուղարի պաշտոնում Հայաստանի ներկայացուցչի նշանակումը, ինչը կհաստատվի հոկտեմբերին կայանալիք գագաթնաժողովում:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am