1000х90.jpg (78 KB)

Վենետիկի հանձնաժողովի և ԵԱՀԿ/ԺՀՄԻԳ-ի ներկայացուցիչները Հայաստան կժամանեն մարտի 14-17-ը

Armenpress 16:45, 4 Մարտ, 2016

ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Ընտրական նոր օրենսգրքի նախագծի քննարկման նպատակով մարտի կեսերին Հայաստան կժամանեն միջազգային փորձագետները: Այս մասին «Արմենպրես»-ին տեղեկացեց ՀՀ արդարադատության նախարար Արփինե Հովհաննիսյանը: «Ընտրական նոր օրենսգրքի նախագծի նախնական քննարկման համար մարտի 14-17-ը Հայաստան կժամանեն ԵԱՀԿ/ԺՀՄԻԳ-ի և Վենետիկի հանձնաժողովի ներկայացուցիչները»,-նշեց նախարարը:

Հայաստանում 2015թ. դեկտեմբերի 6-ին տեղի ունեցավ Սահմանադրության փոփոխությունների հանրաքվեն: Նոր Սահմանադրության ընդունումը ենթադրում է նաև Ընտրական նոր օրենսգրքի ընդունում մինչև 2016թ. հունիսի 1-ը: ՀՀ կառավարությունը մարտի 3-ին հաստատեց Ընտրական օրենսգրքի նոր նախագիծը և այն ներկայկացրեց Ազգային ժողով: Կառավարության կողմից հաստատված ԸՕ նախագիծը տարբերվում է Վենետիկի հանձնաժողով ներկայացվածից:  



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am