Լեոնորան Լեհաստանից վերադառնում է նոր հաղթանակով
ԳՅՈՒՄՐԻ, 19 ՀՈԿՏԵՄԲԵՐԻ, ԱՐՄԵՆՊՐԵՍ : Լեոնորան Հայաստան է վերադառնում նոր հաղթանակով: Հոկտեմբերի 18-ին Վարշավայում կայացած ամենամյա «Wiktoria 2015» միջազգային մրցույթին Հայաստանը ներկայացրել է գյումրեցի երգչուհի Լեոնորան` Արեւիկ Թանաշեանը: «Wiktoria 2015»-ը լեհ հայտնի երգչուհի Աննա Գերմանի անվան միջազգային մրցույթ է, և, որպես մրցույթին մասոնակցելու պարտադիր պայման, յուրաքանչյուր կատարող ներկայացնելու էր երգ` Աննա Գերմանի երգացանկից: Լեոնորան ընտրել էր «Ավե Մարիա» ստեղծագործությունը: Երգչուհին այս մրցույթին մասնակցելու առաջարկն ինչպես միշտ« այս անգամ ևս ստացել էր «Կատարողական արվեստի համաշխարհային ասոցիացիայի» կողմից:
Լեոնորայի ամուսնու` բեյրութահայ պրոդյուսեր Վիգեն Թանաշեանի խոսքով` մրցույթը հրաշալի էր կազմակերպված, ինչի համար երգչուհին և պրոդյուսերն իրենց շնորհակալություն են հայտնում: «Խոսքեր չենք գտնում, անչափ ուրախ ու հպարտ ենք, որ հերթական անգամ՝ եռագույնի ներքո, արժանացանք բացարձակ մրցանակի: Շնորհակալ ենք ժյուրիից, մրցույթի կազմակերպիչներից «,- «Արմենպրես»-ի հետ զրույցում իր ուրախությամբ նշեց պրոդյուսեր Վիգեն Թանաշեանը:
Լեոնորան օրեր առաջ էր Սոֆիայից հայրենիք վերադարձել «Գրան պրի» մրցանակով: Այս մրցույթում եւս գյումրեցի երգչուհին միջազգային ասպարեզում ներկայացրել էր Հայաստանը՝ դասական վոկալ անվանակարգում գրավելով առաջին հորիիզոնականը« իսկ ընդհանուր մրցույթում ճանաչվել բացարձակ հաղթող: Լեոնորան ծնվել է Գյումրիում« բուհական եւ հետբուհական կրթությունը ստացելԵրեւանի Կոմիտասի անվան կոնսերվատորիայի դասական վոկալի բաժնում: Ունեցել է մենահամարգներ« Գյումրիում երգչուհուն հիշում են «Անուշ» օպերայի բեմադրման 100-ամյակին նվիրված՝ գլխավոր հերոսուհու դերերգով: Նրա համերգային ծրագրով զբաղվում է ամուսինը` բեյրութահայ պրոդյուսեր Վիգեն Թանաշեանը:
Արմենուհի Մխոյան