Իրանի 47-րդ համահայկական խաղերը կնվիրվեն Հայոց ցեղասպանության 100-րդ տարելիցին
ԹԵՀՐԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Թեհրանում սեպտեմբերի 10-ից մեկնարկող 47-րդ համահայկական խաղերը կնվիրվեն Հայոց ցեղասպանության 100-րդ տարելիցին:
Ինչպես հաղորդում է «Արմենպրես»-ը` վկայակոչելով «Ալիք»-ը, համահայկական խաղերը կանցկացվեն Հայոց ցեղասպանության 100-րդ տարելիցի Իրանի հանձնախմբի աջակցությամբ: Մինչ խաղերի մեկնարկը` սեպտեմբերի 9-ին, մասնակիցներն ու կենտրոնական հանձնախմբի ներկայացուցիչները քայլերթ են կազմակերպել եւ խաղերը խորհրդանշող ջահը բերել մինչեւ Սուրբ Խաչ մատուռ:
Խաղերին կմանակցեն իրանահայ համայնքի ֆուտբոլի, բասկետբոլի, թեթեւ ատլետիկայի, թենիսի, լողի եւ շախմատի թիմերը: Խաղերը կմեկնարկեն սեպտեմբերի 10-ին եւ կտևեն 7 օր:
Կարծիքներ
Հարցազրույցներ
Փաստ մեկնաբանությամբ