Գյումրու ռուսական ռազմաբազան ցավակցական հայտարարություն է արել
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Հայաստանում ռուսական 102-րդ ռազմակայանի հրամանատարությունն ու անձնակազմը ցնցված են Գյումրիում տեղի ունեցած սարսափելի ողբերգությունից: Հունվարի 15-ին Գյումրիում «Ցայգ» եւ «Շանթ» հեռուստաընկերությունների եթերում հայտարարությամբ է հանդես եկել Գյումրիի ռուսական ռազմաբազայի հրամանատարի՝ անձնակազմի հետ աշխատանքի գծով տեղակալ, գնդապետ Ալեքսեյ Պալյուխովիչը։ «Մենք բոլորս միասին սգում ենք եղբայրական հայ ժողովրդի հետ, ցավակցում ենք զոհվածների հարազատներին ու մերձավորներին։ Ռուս և հայ ժողովուրդների բազմադարյա բարեկամությունը ամրության բազմաթիվ փորձարկումների է ենթարկվել և՛ թուրքական պատերազմների ժամանակ, և՛ սարսափելի բնական աղետների ժամանակ, այժմ եկել է մեկ այլ փորձության ժամանակը: Նման հանցագործություն իրականացնողները ազգություն չունեն, բոլորին վստահեցնում եմ, որ այս սարսափելի հանցագործությունը կատարողները խստագույնս կպատժվեն», - «Արմենպրես»-ի հաղորդմամբ՝ ասել է Պալյուխովիչը:
Նա նշել է, որ Հայաստանի և Ռուսաստանի քննչական մարմիններն իրականացնում են հանցագործության համատեղ, բազմակողմանի և օբյեկտիվ քննություն։ Նա տեղեկացրել է, որ զոհվածների ընտանիքին ռազմակայանի հրամանատարության կողմից կցուցաբերվի անհրաժեշտ օգնություն: «Մենք ակնկալում ենք ձեր ըմբռնումն ու աջակցությունը: Միայն միասին՝ ուս ուսի տված մենք կկարողանանք հաղթահարել ցանկացած դժվարություն»,- հայտարարել է Պալյուխովիչը:
Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, իսկ նրանց մահը վրա է հասել հրազենային վնասվածքներից։ Ավետիսյանների ընտանիքից ողջ է մնացել 6 ամսական փոքրիկը՝ Սերյոժա Արմենի Ավետիսյանը, ով կտրող-ծակող գործիքից ստացած վնասվածքներով տեղափոխվել է բժշկական կենտրոն: Նշանակվել են դատաբժշկական, դատատոքսիկոքիմիական, դատաձգաբանական փորձաքննություններ: Կասկածյալին ռուս սահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը: Նկատի ունենալով, որ նախաքննությամբ ձեռք բերված ապացույցները բավարար հիմք են տալիս առ այն, որ հանցագործությունը կատարել է ՌԴ 102-րդ ռազմաբազայի թիվ N զորամասի զինծառայող Վալերի Պերմյակովը, ուստի՝ 2015թ. հունվարի 14-ին որոշում է կայացվել՝ վերջինիս ՀՀ քրեական օրենսգրքի 104-րդ հոդվածի 2-րդ մասի 1-ին կետով որպես մեղադրյալ ներգրավելու մասին:
- ԱԺ պատգամավորները ԱՄՆ-ում կմասնակցեն խորհրդարանական տեղեկատվական-անվտանգային ֆորումին
- Կառավարությունը մանրամասն քննարկում է վարձկանների վերաբերյալ իրավական
բոլոր հնարավոր գործընթացները
- Փաստաբանները կփորձեն պարզել Պերմյակովի միայնակ կամ այլ անձի աջակցությամբ գործելու
հանգամանքը
Փաստաբանները փորձագիտական եզրակացության հիման վրա ունեն բուն սպանության գործընթացի մասին ընդհանուր պատկերացումներ: - ՌԴ 5-րդ կայազորային զինվորական դատարանը ստացել է Ավետիսյանների ընտանիքի
սպանության գործը
Հյուսիսկովկասյան շրջանի զինվորական դատարանից տեղեկացնում են, որ շուտով տեղի կունենա նաեւ գործով առաջին դատավարությունը: - Ավետիսյանների իրավահաջորդները դեռևս չեն ծանոթացել ռուսական կողմի տրամադրած
նյութերին
«Դատաքննությունը պետք է իրականացվի հանցագործության կատարման վայրի` Շիրակի մարզի ընդհանուր իրավասության դատարանում»,-նշեց Երեմ Սարգսյանը: