ԵՄ-ն կոչ է անում ԼՂ հակամարտության կողմերին զերծ մնալ հրադադարի ռեժիմի խախտումներից
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: ԵՄ արտաքին գործերի և անվտանգության քաղաքականության հարցերով բարձր ներկայացուցիչ Քեթրին Էշթոնը խորը մտահոգություն է հայտնել հայ-ադրբեջանական սահմանին վերջին օրերին զինված միջադեպերի և զոհերի կապակցությամբ: «Արմենպրես»-ի հաղորդմամբ` եվրոպացի դիվանագետը նման հայտարարություն է արել օգոստոսի 3-ին` կոչ անելով երկու կողմերին զերծ մնալ հրադադարի ռեժիմի խախտումներից, ուժի և դրա սպառնալիքի կիրառումից և շարունակել ջանքերը` Լեռնային Ղարաբաղի խնդրի խաղաղ հանգուցալուծման ուղղությամբ:
Եվրամիությունը պատրաստակամություն է հայտնում առաջիկայում աջակցել խնդրի քաղաքական լուծման և խաղաղության հաստատման հնարավորություններին` ի սատարումն ԵԱՀԿ Մինսկի խմբի աշխատանքներին: «Մենք լիովին աջակցում ենք ԵԱՀԿ Մինսկի խմբի և 3 համանախագահների ջանքերին, հատկապես բարձր մակարդակով բանակցությունները շարունակելու հարցում, ինչի շուրջ համաձայնություն էր ձեռք բերվել 2013 թվականի նոյեմբերի 19-ին Վիեննայում կայացած նախագահների հանդիպման ժամանակ»,- ասվում է հայտարարությունում:
Սարգսյան-Ալիև հանդիպումը հնարավոր է կայանա եկող շաբաթ` օգոստոսի 8-ին, Սոչիում:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը