Ադրբեջանական կողմը Տավուշի գյուղերի ուղղությամբ կրակը դադարեցրել է լուսաբացին. նյութական վնասներ կան
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Ադրբեջանական կողմը գիշերը հերթական անգամ խախտել է հրադադարի ռեժիմը` կրակահերթի տակ պահելով Տավուշի մարզի սահամանմերձ գյուղերը: Համայնքները կրել են նյութական վնասներ, բարեբախտաբար, մարդկային կորուստներ չկան: «Արմենպրես»-ի հետ զրույցում ՀՀ պաշտպանության նախարարի մամուլի խոսնակ Արծրուն Հովհաննիսյանը տեղեկացրեց, որ հակառակորդի կրակոցները հիմնակնում զգացվել են զինվորական հենակետերին մոտ գտնվող հատվածներում: «Սահմանամերձ գրեթե բոլոր գյուղերում հնչել են կրակոցներ: Որոշ հատվածներում հայկական կողմը պատասխան կրակ է բացել: Ադրբեջանական կողմն օգտագործել է հիմնականում հրազենային զենքեր, իսկ որոշ տեղերում գնդացիրներ»,- ասաց Հովհաննիսյանը:
Տավուշի մարզի Ոսկեպար համայնքի գյուղապետ Երվանդ Եգանյանի խոսքով` հակառակորդի կրակոցներն սկսվել են երեկոյան ժամը 19:00-ից և շարունակվել մինչև առավոտյան ժամը 06:00-ը: «Կրակոցները հնչել են հիմանակնում հրազենային զենքերից: Հակառակորդը կրակում էր սահմանին մոտ գտնվող ճանապարհի ուղղությամբ, որը գտնվում է գյուղի ստորին հատվածում»,- ասաց Եգանյանը: Նա տեղեկացրեց, որ կրակոցներ են հնչել նաև հարևան Դովեղ, Բերքաբեր և Բարեկամավան համայնքներում:
Բարեկամավանի գյուղապետ Գագիկ Աբազյանը հաստատեց, որ գյուղում հնչել են կրակոցներ, սակայն տեղեկացրեց, որ էական վնասներ չկան` միայն վնասվել են տների արտաքին պատերը:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը