ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Աշխատանքային այցով Հայաստան ժամանած Գերմանիայի Դաշնային հանրապետության արտաքին գործերի նախարար Գիդո Վեսթերվելեն մարտի 16-ին այցելեց Հայոց ցեղասպանության անմեղ զոհերի հիշատակը հավերժացնող Ծիծեռնակաբերդի հուշահամալիր: Ինչպես փոխանցում է «Արմենպրես»-ը, նախարարը ծաղկեպսակ դրեց 1915թ-ին Օսմանյան Թուրքիայում տեղի ունեցած Հայոց ցեղասպանության անմեղ զոհերի հիշատակը հավերժացնող հուշակոթողին, ծաղիկներ` անմար կրակի մոտ:

Նախարար Վեսթերվելեին ուղեկցում էր Հայոց ցեղասպանության թանգարան-ինստիտուտի փոխտնօրեն Սուրեն Մանուկյանը, ով հյուրին ներկայացրեց 20-րդ դարասկզբի մեծագույն ոճիրներից մեկի պատմությունը և հուշարձանի խորհուրդը: Գերմանիայի ԱԳ նախարարին ուղեկցում էր նաև ՀՀ-ում Գերմանիայի արտակարգ և լիազոր դեսպան Հանս Յոհան Շմիդտը:

Գերմանիայի Բունդեսթագը Հայոց ցեղասպանության ճանաչման եւ դատապարտման բանաձեւ է ընդունել դեռեւս 2005թ.: