ԹԲԻԼԻՍԻ, 22 ՀՈՒԼԻՍԻ, ԱՐՄԵՆՊՐԵՍ: Վրաստանի խորհրդարանը չորեքշաբթի օրն արտահերթ նստաշրջանի վերջին օրն ընդունել Է երկու որոշում, որոնց համապատասխան փետրվարի 25-ը հայտարարվում Է Խորհրդային օկուպացման օր, իսկ օգոստոսի 23-ը՝ Ամբողջատիրական վարչակարգի զոհերի հիշատակի օր: «Փետրվարի 25-ը Խորհրդային օկուպացման օր հայտարարելը կապված Է այն բանի հետ, որ 1921 թվականի այդ օրը 11-րդ Կարմիր բանակի զորամասերն իրականացրեցին Վրաստանի Դեմոկրատական Հանրապետության օկուպացումը: Իսկ օգոստոսի 23-ը՝ Եվրախորհրդարանի կողմից հաստատված՝ Ստալինիզմի եւ նացիզմի զոհերի հիշատակի օրվա հետ, ինչն իր հերթին, կապված Է Մոլոտով-Ռիբենտրոպի դաշնագրի ձեւակերպման հետ (1939 թվականի օգոստոսի 23)»,- հայտարարել են խորհրդարանի արտաքին կապերի կոմիտեում: