Սարուխան գյուղում կատարվել է Սուրբ Գեւորգ եկեղեցու հիմնարկեքի արարողությունը
ԳԱՎԱՌ, 7 ՄԱՅԻՍԻ, ԱՐՄԵՆՊՐԵՍ (սեփ. թղթ. Խոսրով Խլղաթյան): Գեղարքունիքի մարզի ամենախոշոր գյուղական համայնքներից մեկում` Սարուխանում, կատարվեց Սուրբ Գեւորգ եկեղեցու հիմնարկեքի արարողություն` Գեղարքունյաց թեմի առաջնորդական տեղապահ Մարկոս եպիսկոպոս Հովհաննիսյանի ձեռամբ: Սուրբ Գեւորգ եկեղեցին հիմնվել է 1830 թվականին Հին Բայազետից գաղթած առաջին վերաբնակիչների կողմից, իսկ խորհրդային տարիներին քանդվել ու լքվել է: Եկեղեցին որոշել է վերականգնել Սարուխանի բնակիչ Հուսիկ Պետրոսյանը, ում ýինանսական միջոցներով էլ մինչեւ տարեվերջ եկեղեցու շինարարությունը ավարտված կլինի: Մարկոս եպիսկոպոս Հովհաննիսյանի հավաստիացմամբ` ամեն ինչ կարվի, որ Սուրբ Գեւորգը դառնա գործող եկեղեցի:
Կարծիքներ
Հարցազրույցներ
Փաստ մեկնաբանությամբ