1000х90.jpg (78 KB)

 ԵԱՏՄ-ի հետ փոխգործակցությունն օգտակար կլինի տարածաշրջանային զարգացմանը. ՇՀԿ-ի գլխավոր քարտուղար

Armenpress 12:03, 26 Մայիս, 2022

ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Շանհայի համագործակցության կազմակերպության (ՇՀԿ) եւ Եվրասիական տնտեսական միության (ԵԱՏՄ) միջեւ գործընկերության ակտիվացումը դրական դեր կխաղա տարածաշրջանային զարգացման գործում: Մայիսի 26-ին այդ մասին Բիշքեկում առաջին Եվրասիական տնտեսական համաժողովում հայտարարել Է ՇՀԿ-ի գլխավոր քարտուղար Չժան Մինը, տեղեկացնում Է «Արմենպրես»-ը:

«ԵԱՏՄ-ի հետ ՇՀԿ-ի համագործակցությունը գործնական օգուտ կբերի տարածաշրջանային զարգացմանը»,- ասել Է նա: Նրա խոսքով՝ Եվրասիական տնտեսական հանձնաժողովը (ԵԱՏՀ) որոշակի առավելություններ ունի տարածաշրջանային տնտեսական զարգացման առաջմղման համար, իսկ դրա նպատակն ու պլանները «համատեղելի են ՇՀԿ-ի գործունեության հետ»:

«Հեռանկարում մեծ ներուժ կա ծագող խնդիրների լուծման համատեղ աշխատանքի համար»,- համոզված Է գլխավոր քարտուղարը: Ինչպես կարծում Է նա, ներկայումս իրադրությունն աշխարհում «լուրջ փոփոխություններ Է ապրում», եւ այդ իրավիճակում «կարեւոր Է օգտագործել» ինչպես ՇՀԿ-ի, այնպես Էլ ԵԱՏՄ-ի «ուժեղ կողմերը», քանի որ դա «խթան կտա տարածաշրջանային տնտեսության զարգացմանը»:

«Երկու կազմակերպություններն Էլ կզարգանան եւ օգուտ կբերեն տարածաշրջանի երկրներին: Դա Էլ այսօրվա միջոցառման հիմնական նպատակն Է»,- ընդգծել Է Չժան Մինը: Բիշքեկում առաջին Եվրասիական տնտեսական համաժողովին մասնակցում են աշխարհի 25 երկրների պետական կառույցների եւ գործարարության շուրջ 2,5 հազար ներկայացուցիչներ: Միջոցառման շրջանակներում գործում են վեց քննարակումային հարթակներ:

Ինչպես սպասվում Է, հանդիպման ավատից հետո այդ թվում կստորագրվեն տասը համաձայնագրեր եւ հուշագրեր ոչ առեւտրային բնույթի համագործակցության շուրջ, հաղորդել Է ՏԱՍՍ-ը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am