1000х90.jpg (78 KB)

Իրանում կորոնավիրուսի դեմ պատվաստանյութի երրորդ դեղաչափը ստացածների թիվն անցել է 14 միլիոնը

Armenpress 15:29, 22 Հունվար, 2022

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Իրանում կորոնավիրուսի դեմ պատվաստանյութի առաջին դեղաչափը ստացել է 60 մլն 465 հազար 452 քաղաքացի, երկրորդ դեղաչափը՝ 53 մլն 517 հազար 573, իսկ երրորդ, այսինքն` խթանիչ դեղաչափը 14 մլն 269 հազար 799 քաղաքացի:  «Արմենպրես»-ի հաղորդմամբ՝ այս մասին հայտնում է IRNA-ն՝ հղում կատարելով Իրանի առողջապահության նախարարության հրապարակած տվյալներին:

Իրանում վերջին 24 ժամում կորոնավիրուսից մահացել է 30 քաղաքացի, այսպիսով` մահերի թիվը երկրում հասել է 132 հազար 202-ի: Վերջին 1 օրում Իրանում գրանցվել է վիրուսի 3503 նոր դեպք, որից 426-ը հոսպիտալացվել Է;

Երկրում գրանցված վարակման ընդհանուր 6 մլն 245 հազար 346 դեպքից 6 մլն 78 հազար 24-ն առողջացել կամ դուրս է գրվել հիվանդանոցներից: 1216 քաղաքացի ծայրահեղ ծանր վիճակում բուժում է ստանում ինտենսիվ թերապիայի բաժանմունքներում:

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am