Բրազիլիայում կարող են արգելել Telegram-ը

Armenpress 21:01, 19 Հունվար, 2022

ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Բրազիլիայի Գերագույն ընտրական դատարանի ղեկավարը մտադիր է դատարանի մյուս անդամների հետ քննարկել Telegram-ի նկատմամբ միջոցների ձեռնարկման հարցը, քանի որ մտավախություն ունի, որ հարթակը կարող է կիրառվել կեղծ տեղեկատվության տարածման համար: Ինչպես փոխանցում է «Արմենպրես»-ը, այս մասին հայտնում է «ՌԻԱ Նովոստի»-ն:

Տեղի լրատվամիջոցները հայտնում են, որ արդեն ամսից ավել է՝ դատարանի նախագահ  Լուիս Ռոբերտու Բարոզուն փորձում է կապվել Telegram-ի ներկայացուցիչների հետ, սակայն բոլոր փորձերն անհաջող են: «Չի բացառվում, որ այն կարգելափակվի»,- հայտնել են ԶԼՄ-ները:

Նշվում է, որ Բարոզուն ցանկանում է Telegram-ի ներկայացուցիչների հետ քննարկել առաջիկա նախագահական ընտրությունների շրջանում հավելվածի աշխատանքն ու անվտանգության միջոցների ձեռնարկումը, քանի որ մտավախություն կա, որ Telegram-ն օգտագործվում է կեղծ տեղեկատվություն տարածելու համար:

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am