«Նորմանդական քառյակը» քաղխորհրդականների հանդիպում է պատրաստում հունվարի վերջին-փետրվարի սկզբին
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: «Նորմանդական քառյակի» քաղխորհրդականները կարող են կրկին հանդիպում ունենալ առաջիկա շաբաթների ընթացքում: Այդ մասին, ինչպես տեղեկացնում Է «Արմենպրես»-ը, «Ինտերֆաքս»-ին հաղորդել Է տեղեկացված աղբյուրը:
«Բոլոր կողմերն անցկացնում են ներկայացուցիչների («Նորմանդական քառյակh» քաղխորհրդականների) նոր հանդիպման նախապատրաստում: Խոսք Է գնում հունվարի վերջի-փետրվարի սկզբի մասին»,-գործակալությանն ասել Է զրուցակիցը: Հանդիպման անցկացման վայրը դեռ չի հաստատվել:
«Օրակարգում հակամարտության կարգավորման գոյություն ունեցող քաղաքական մեխանիզմների իմպլիմենտացիայի պայմանների քննարկումն Է: Նոր կամ այլընտրանքային մեխանիզմներն այլեւս չեն քննարկվում»,-ասել Է աղբյուրը:
Անցած շաբաթ հանդիպման նախապատրաստման մասին հաղորդել Էին մի շարք ԶԼՄ-ներ՝ վկայակոչելով Գերմանիայի կանցլեր Օլաֆ Շոլցին:
«Նորմանդական քառյակի» մեջ մտնում են Ռուսաստանը, Ուկրաինան, Գերմանիան եւ Ֆրանսիան, որոնք ուղիներ են փնտրում Ուկրաինայի արեւելքում հակամարտության կարգավորման համար: 2015-2016 թվականներին կողմերը համաձայնության Էին եկել սահմանազատման գծի եւ սպառազինությունները հետ քաշելու շուրջ, հանդիպում պատրաստել Մինսկում, ինչը հանգեցրել Է Մինսկի համաձայնագրերի ստորագրման: