1000х90.jpg (78 KB)

Կադաստրի կոմիտեն ավարտել է բնակավայրերի օդային լուսանկարահանումը

Armenpress 12:05, 9 Դեկտեմբեր, 2021

ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Կադաստրի կոմիտեն ավարտել է Հայաստանի բնակավայրերի օդային լուսանկարահանումը:

Ինչպես տեղեկացնում է «Արմենպրես»-ը, դեկտեմբերի 9-ի Կառավարության նիստում Կադաստրի կոմիտեի ղեկավար Սուրեն Թովմասյանը հայտնեց, որ լուսանկարներում կարող են տեսնել մինչև 2021 թվականի կառուցված բոլոր ինքնակամ շինությունները:

«Այս պահի դրությամբ տվյալների մշակման փուլում ենք գտնվում: Մենք կարող ենք ֆիքսել, որ 2021 թվականին ամբողջ Հանրապետության տարածքը նկարահանվել է»,- ասաց Թովմասյանը:

Արդարադատության նախարար Կարեն Անդրեասյանն իր հերթին նշեց, որ հնարավորություն են տալու քաղաքացիների ինքնակամ շինություններն օրինականացնել մինչև Քաղաքացիական օրենսգրքում և հարակից օրենսգրքերում փոփոխությունների մասին օրենքը ուժի մեջ մտնելը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am