Արցախում հայ զինծառայող է զոհվել
ՍՏԵՓԱՆԱԿԵՐՏ, 6 ԴԵԿՏԵՄԲԵՐԻ, ԱՐՄԵՆՊՐԵՍ։ Արցախի Հանրապետության Պաշտպանության բանակի զորամասերից մեկի պահպանության տեղամասում դեկտեմբերի 5-ին, ժամը 21:20-ի սահմաններում, դեռևս չպարզված հանգամանքներում հրազենային մահացու վիրավորում է ստացել ՊԲ ժամկետային զինծառայող 2002 թ. ծնված Գոռ Էդուարդի Մարտիրոսյանը:
«Արմենպրես»-ին այս մասին հայտնեցին Արցախի Հանրապետության պաշտպանության նախարարությունից։
Դեպքի մանրամանսերը պարզելու համար կատարվում է քննություն:
ԱՀ Պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի հարազատներին:
Կարծիքներ
Հարցազրույցներ
Փաստ մեկնաբանությամբ