Նաբերեժնիե Չելնի քաղաքի 5 հարկանի բնակելի շենքում պայթյուն է որոտացել

Armenpress 20:30, 25 Հոկտեմբեր, 2021

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Թաթարստանի Նաբերեժնիե Չելնի քաղաքի  5 հարկանի բնակելի շենքում պայթյուն է որոտացել: «Արմենպրես»-ի հաղորդմամբ, «ՌԻԱ Նովոստի»-ն տեղեկացնում է,  որ նախնական տվյալներով 4 մարդ տուժել է, 32-ը ՝ տարհանվել:

Տեղում աշխատում են փրկարարական, հրշեջ ծառայության, շտապօգնության աշխատակիցները: Փրկարարներին հաջողվել է երկու անձի դուրս բերել փլատակներից:

Նախնական տվյալներով պայթյունի պատճառը բնականի գազի արտահոսքն է: Պայթյունը տեղի է ունեցել 4-րդ հարկի բնակարաններից  մեկում: 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am