Թալիբներն օգտագործելու են Աֆղանստանի վերջին թագավորի ժամանակների սահմանադրությունը
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Աֆղանստանում կիրառվելու Է երկրի վերջին թագավորի՝ Զահիր-Շահի ժամանակների սահմանադրությունը, բացառությամբ այն դրույթների, որոնք կհակասեն շարիաթին: Այդ մասին հայտարարել Է արդարադատության նախարարի պաշտոնակատար Աբդուլ Հաքիմ Շարիան, տեղեկացնում Է «Արմենպրես»-ը:
Ավելի վաղ Աֆղանստանի ժամանակավոր կառավարության մշակույթի եւ տեղեկատվության փոխնախարար Զաբիուլլա Մուջահիդը ՌԻԱ Նովոստիին տած հարցազրույցում հայտարարել Էր, որ երկրում իշխանությունը վերցրած «Թալիբան» շարժումը պլանավորում Է հաջորդ տարի հանձնաժողով ձեւավորել նոր սահմանադրությունը մշակելու համար:
Աֆղանստանի ժամանակավոր կառավարության արդարադատության նախարարության հայտարարության համաձայն, նախարարության ղեկավարի պաշտոնակատարը երկրում Չինաստանի դեսպանի հետ հանդիպմանը հայտարարել Է, որ Աֆղանստանն օգտագործելու Է այն սահմանադրությունը, որը երկրում կիրառվել Է վերջին թագավորի օրոք, բացառություններ կկազմեն այն դրույթների, որոնք կհակասեն շարիաթին: