Վիրավորում է ստացել ՊԲ զինծառայող. Արցախի արևմտյան հատվածում Ադրբեջանը խախտել է հրադադարի ռեժիմը
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանական զինուժն Արցախի Հանրապետության արևմտյան հատվածում սեպտեմբերի 17-ին՝ ժամը 12:30-ի սահմաններում, հերթական անգամ խախտել է հրադադարի պահպանման ռեժիմը, ինչի հետևանքով հրազենային վիրավորում է ստացել ՊԲ զինծառայող, շարքային Վրույր Վարդանի Շահրամանյանը: «Արմենպրես»-ի հաղորդմամբ, այս մասին տեղեկացնում է Արցախի Պաշտպանության նախարարությունը:
Միջադեպի առնչությամբ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությոնը:
Կարծիքներ
Հարցազրույցներ
Փաստ մեկնաբանությամբ