1000х90.jpg (78 KB)

Հայտնի է Ջեյմս Բոնդի նոր ֆիլմի համաշխարհային պրեմիերայի օրը

Armenpress 13:10, 21 Օգոստոս, 2021

ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Ջեյմս Բոնդի մասին պատմող նոր` «Մահանալու ժամանակը չէ» (No Time to Die) ֆիլմի համաշխարհային պրեմիերան տեղի կունենա սեպտեմբերի 28-ին՝ Լոնդոնի Royal Albert Hall-ում: «Արմենպրես»-ի փոխանցմամբ, այս մասին նշվում է ֆիլմի պաշտոնական թվիթերյան էջում:

Կինոթատրոնի էկրաններին ֆիլմը կլինի սեպտեմբերի 30-ին:

Ի սկզբանե բրիտանացի լրտեսի մասին պատմող այս նոր ֆիլմը պետք է էկրաններ բարձրանար 2020 թվականի ապրիլին, սակայն կորոնավիրուսի համավարակի պատճառով մի քանի անգամ հետաձգվել էր:

«Մահանալու ժամանակը չէ» (No Time to Die) ֆիլմը Ջեյմս Բոնդի մասին պատմող 25-րդ ֆիլմն է: Հոլիվուդյան դերասան Դենիել Քրեյգը 007 գործակալի դերում հանդես կգա վերջին անգամ:

Variety ամսագիրն ավելի վաղ հայտնել էր, որ այս տարի Քրեյգը դարձել է ամենաբարձր վարձատրվող հոլիվուդյան դերասանը՝ վաստակելով ավելի քան 100 մլն ԱՄՆ դոլար:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am