Սարյան փողոցում ավտոմեքենաների հրդեհի հետևանքով տուժածներ չկան
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Երևանի Սարյան փողոցի թիվ 29 շենքի մոտակայքում ավտոմեքենաների այրվելու հետևանքով տուժածներ չկան:
«Արմենպրես»-ի հաղորդմամբ՝ ՀՀ արտակարգ իրավիճակների նախարարությունից հայտնում են, որ Ճգնաժամային կառավարման ազգային կենտրոն ահազանգը ստացել են հուլիսի 26-ին, ժամը 17։44-ին:
«Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 17։56-ին, մարվել՝ 18։05-ին»,- նշում են ԱԻՆ-ից։
Այրվել են «KIA Sorento» մակնիշի ավտոմեքենան (վարորդ՝ Վ․ Գ․) և «Nissan Tiida» մակնիշի ավտոմեքենայի (վարորդ՝ Ս․ Ս․) շարժիչի հատվածը՝ մասամբ․ տուժածներ չկան։
Լուսանկարները` Տաթև Դուրյանի
Կարծիքներ
Հարցազրույցներ
Փաստ մեկնաբանությամբ