1000х90.jpg (78 KB)

«Արարատ»-ը զիջեց «Շլյոնսկ»-ին Գյումրիում

Armenpress 18:57, 22 Հուլիս, 2021

ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Կոնֆերենցիաների լիգայի երկրորդ տուրի առաջին խաղում Երևանի «Արարատ»-ը հյուրընկալեց լեհական «Շլյոնսկ»-ին:

«Արմենպրես»-ի հաղորդմամբ` Գյումրու քաղաքային մարզադաշտում կայացած առաջին խաղակեսի մեկնարկային րոպեներին թիմերը փոխանակվեցին գրոհներով, բայց առաջինը հանդիպման հաշիվը բացեցին լեհական թիմի ֆուտբոլիստները: 20-րդ րոպեին աչքի ընկավ Գոլլան: «Արարատ»-ը մի քանի հնարավորություն ուներ վերականգնելու հաշվի հավասարությունը, սակայն ակումբներն ընդմիջման գնացին լեհերի նվազագույն առավելությամբ:

Երկրորդ կեսի մեկնարկում` 49-րդ րոպեին «Արարատ»-ը վերականգնեց հաշվի տարբերությունը: Իր հնարավորությունն օգտագործեց Բրավոն: Սակայն չէր էլ անցնել 3 րոպե «Շլյոնսկ»-ը կրկին առաջ անցավ հաշվի մեջ: Գոլն իր ակտիվում գրանցեց Պիաշչեկը: Հանդիպման 70-րդ րոպեին լեհական ակումբը խփեց նաև 3-րդ գնդակը: Դիպուկ հարվածով աչքի ընկավ Պիչը: Խաղակեսի վերջնամասում «Արարատ»-ին հաջողվեց միայն կրճատել հաշվի տարբերությունը: Հեռահար հարվածով աչքի ընկավ Հակոբյանը: Հանդիպման ավելացված ժամանակում լեհական ակումբը խփեց 4-րդ գնդակը: Դուբլի հեղինակ դարձավ Պիխը:

«Արարատ»-«Շլյոնսկ»` 2:4:

Թիմերի պատասխան հանդիպումը կկայանա մեկ շաբաթ անց` Լեհաստանում:

 

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am