«Երևանյան հեռանկարներ» փառատոնի շրջանակում կհնչեն Բեթհովենի և Բեռլիոզի ստեղծագործությունները
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: «Երևանյան հեռանկարներ» միջազգային երաժշտական փառատոնին Հայաստանի ազգային ֆիլհարմոնիկ նվագախումբը կկատարի Լյուդվիգ Վան Բեթհովենի Թիվ 3 դաշնամուրային կոնցերտը և Հեկտոր Բեռլիոզի «Ֆանտաստիկական սիմֆոնիա» ստեղծագործությունը:
«Արմենպրես»-ի հաղորդմամբ՝ համերգը տեղի կունենա հուլիսի 3-ին Արամ Խաչատրյան համերգասրահում:
Երեկոյին որպես մենակատար հանդես կգա Իտալիայից Հայաստան ժամանած դաշնակահար Մայա Օհանյանը: Համերգը կղեկավարի Ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը:
Կարծիքներ
Հարցազրույցներ
Փաստ մեկնաբանությամբ