Ինդիանա Ջոնսին մարմնավորող Հարիսոն Ֆորդը նկարահանման ժամանակ վնասել է ուսը
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Ամերիկյան դերասան Հարիսոն Ֆորդն Ինդիանա Ջոնսի մասին պատմող նոր ֆիլմի նկարահանման ժամանակ վնասել է ուսը: «Արմենպրես»-ի փոխանցմամբ, այս մասին հայտարարություն է տարածել Walt Disney ընկերությունը:
Ինդիանա Ջոնսի մասին պատմող հինգերորդ ֆիլմի արտադրությունը կշարունակվի, մինչ 78-ամյա դերասանի համար համապատասխան բուժման կուրս կնշանակվի:
Walt Disney-ից հայտնել են, որ կինոնկարահանումների ժամանակացույցը կփոփոխվի ըստ անհրաժեշտության:
Ֆիլմի ցուցադրման ամսաթիվը մի քանի անգամ արդեն փոխվել է: Այս պահին Walt Disney-ը ծրագրում է ցուցադրել կինոժապավենը 2022 թվականի հուլիսին:
Հարիսոն Ֆորդն առաջին անգամ Ինդիանա Ջոնսի կերպարում հանդես էր եկել 1981 թվականին:
Կարծիքներ
Հարցազրույցներ
Փաստ մեկնաբանությամբ