Կիմ Չեն Ընի քույրը «սխալ» Է համարել ԿԺԴՀ-ի վերաբերյալ ԱՄՆ-ի ակնկալիքները
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Հյուսիսային Կորեայի առաջնորդ Կիմ Չեն Ընի քույրը եւ ԿԺԴՀ-ի կառավարող կուսակցության բարձրաստիճան պաշտոնյա Կիմ Յո Չժոնը հայտարարել Է, որ ԱՄՆ-ը ոչ ճիշտ սպասելիքներ ունի ԿԺԴՀ-ից, տեղեկացնում Է «Արմենպրես»-ը:
«Սպասումը, որը նրանք ընտրել են, սխալ ճանապարհ Է, որը նրանց կգցեր Էլ ավելի մեծ հիասթափության մեջ»,-ասվում Է Կիմ Յո Չժոնի հայտարարության մեջ, որը հրապարակվել Է հյուսիսկորեական պետական ԶԼՄ-ներում: «Երեւում Է՝ ԱՄՆ-ը կարող Է իրադրությունն այնպես մեկնաբանել, որպեսզի իր համար սփոփանք գտնի»,-հավելել Է նա: Այսպես Է Հյուսիսային Կորեայի առաջնորդի քույրը պատասխանել ԱՄՆ-ի ազգային անվտանգության գծով խորհրդական Ջեյք Սալիվանին, որը հունիսի 20-ին հայտարարել Է, թե «հետաքրքիր ազդակ» Է տեսնում վերջերս Կիմ Չեն Ընի խոսքում, որը վերաբերում Է ինչպես առճակատմանը պատրաստվելուն, այնպես Էլ ԱՄՆ-ի հետ դիվանագիտությանը: Ներկայում այցով Սեուլում Է գտնվում ԿԺԴՀ-ի գծով ԱՄՆ-ի հատուկ ներկայացուցիչ Սոն Կիմը:
Իր հարավկորեացի եւ ճապոնացի գործընկերների հետ հունիսի 21-ին կայացած եռակողմ հանդիպմանը նա հայտարարել Է, որ Վաշինգտոնը հույս ունի, թե Փհենյանը կհամաձայնի երկկողմ երկխոսության վերսկսմանը, հաղորդել Է «Ինտերֆաքս»-ը: