Իրանում նավթավերամշակման գործարանում հրդեհ է բռնկվել
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Թեհրանում նավթավերամշակման գործարանի վթարային գծերից մեկում հրդեհ է բռնկվել: Ինչպես փոխանցում է «Արմենպրես»-ը, այս մասին հայտնում է Mehr գործակալությունը:
Դեպքի վայր են ժամանել շտապօգնության ու փրկարար ծառայության աշխատակիցները:
Թեհրանի հակաճգնաժամային կառավարման ղեկավար Մանսուր Դարաջատին հայտնել է, որ «խողովակներում առկա վառելանյութը պետք է ամբողջությամբ այրվի, որպեսզի հնարավոր լինի ամբողջությամբ մարել հրդեհը»:
Տեղեկություններ զոհերի մասին չկան:
Հրդեհի պատճառները չեն հստակեցվում:
Կարծիքներ
Հարցազրույցներ
Փաստ մեկնաբանությամբ