Ըմբիշներ Մելիքյանը և Ասլանյանը մոտ են ՕԽ ուղեգրին
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Հայաստանի ներկայացնող հունահռոմեական ոճի երկու ըմբիշ մոտ է Օլիմպիական խաղերի ուղեգրին:
«Արմենպրես»-ի հաղորդմամբ` Բուլղարիայի մայրաքաղաք Սոֆիայում ընթացող համաշխարհային վարկանիշային մրցաշարում 60 կգ քաշային կարգում Արմեն Մելիքյանը դուրս է եկել կիսաեզրափակիչ, որտեղ կմրցի հարավկորեացի Հանջաե Չունի հետ: Մինչ այս Մելիքյանը հաջորդաբար խոշոր հաշվով հաղթել էր Մեքսիկայի, Լիտվայի և Ռումինիայի ներկայացուցիչներին:
67 կգ քաշային կարգում Կարեն Ասլանյանը ևս մոտ Տոկիոյի խաղերի ուղեգրին: Նա հասել է կիսաեզրափակիչ, որտեղ կփորձի գերազանցել Ֆրանսիայից Մամադասա Սիլանին:
Համաշխարհային վարկանիշային մրցաշարում Տոկիոյի Օլիմպիական խաղերի ուղեգիր նվաճում են այն մարզիկները, որոնք հասնում են եզրափակիչ: