Չեխիան կորոնավիրուսի պատվաստանյութի մեծ խմբաքանակի հարցով կդիմի ԵՄ-ին
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Չեխիայի վարչապետ Անդրեյ Բաբիշը Եվրահանձնաժողովի ղեկավար ՈՒրսուլա ֆոն դեր Լայենից կխնդրի հունիսին մեծ քանակությամբ կորոնավիրուսի պատվաստանյութ տրամադրել: «Արմենպրես»-ի փոխանցմամբ, այս մասին հաղորդում է Չեխական ռադիոն:
«Ես անպայման կխնդրեմ ԵՀ նախագահից, որպեսզի նա փորձի ապահովել հունիսին մեծ քանակությամբ պատվաստանյութ: Մեզ համար հիմա դա ամենակարևորն է»,- նշել է Բաբիշը:
Չեխիայում կորոնավիրուսի դեմ պատվաստումները սկսվել են 2020 թվականի դեկտեմբերի 27-ից: Այս պահին պատվաստում է ստացել 2 մլն 463 հազար 743 մարդ, որոնցից շուրջ կեսը՝ երկու դեղաչափով:
Երկրում ընդհանուր առմամբ կորոնավիրուսով վարակվել է 1 մլն 642 հազար 696 մարդ, մահացել է 29 հազար 608 մարդ:
Կարծիքներ
Հարցազրույցներ
Փաստ մեկնաբանությամբ