Ըմբիշ Հրաչյա Պողոսյանը հաղթանակով մեկնարկեց Եվրոպայի առաջնությունում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Հայաստանը ներկայացնող ըմբիշները սկսեցին պայքարը Եվրոպայի առաջնությունում;
«Արմենպրես»-ի հաղորդմամբ` 63 կգ քաշային Հրաչյա Պողոսյանը 1/8 եզրափակիչի մեկնարկային գոտեմարտում առավելության հասավ Բելառուսից Սոսլան Դաուրովի նկատմամբ: Հաջորդիվ հայ ըմբիշի մրցակիցը կլինի ադրբեջանցի Տալեհ Մամադովը:
77 կգ քաշային Վարուժան Գրիգորյանը պարտություն կրեց հենց մեկնարկում` զիջելով Թուրքիայից Յունուս Բասարին՝ 0: 9:
Ավելի ուշ կգոտեմարտի 55 կգ քաշային կարգում Ռուդիկ Մկրտչյանը, ով ուժերը կչափի թուրք Էքրեմ Օզթուրքի հետ:
Եվրոպայի առաջնությունում Հայաստանը ներկայացնում են 7 մարզիկ` Ռուդիկ Մկրտչյանը (55 կգ), Գեւորգ Ղարիբյանը (60 կգ), Հրաչյա Պողոսյանը (63 կգ), Սլավիկ Գալստյանը (67 կգ), Մալխաս Ամոյանը (72 կգ), Վարուժան Գրիգորյանը (77 կգ), Կարապետ Չալյանը (82 կգ)։