Ռուսաստանը պաշտոնապես հայտարարեց Թուրքիայի հետ ավիափոխադրումները սահմանափակելու մասին

Armenpress 21:50, 12 Ապրիլ, 2021

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Ռուսաստանը կսահմանափակի ավիափոխադրումները Թուրքիայի և Տանզանիայի հետ կորոնավիրուսի տարածման աճի տեմպերով պայմանավորված:  Ինչպես փոխանցում է «Արմենպրես»-ը, այս մասին պաշտոնապես հայտարարել է ՌԴ փոխվարչապետ տատյանա Գոլիկովան՝ հավելելով, որ եթե այդ երկրներում համավարակային իրավիճակը կայունանա, թռիչքները կվերսկսվեն:

Սահմանափակումները կգործեն ապրիլի 15-ից մինչև հունիսի 1-ը: ՌԴ կառավարությունը խորհուրդ է տվել տուր-օպերատորներին դադարեցնել դեպի Թուրքիա ուղեգրերի վաճառքը:

Գոլիկովան տեղեկացրել է, որ Թուրքիայում մնացած ՌԴ քաղաքացիները կկարողանան հայրենիք վերադառնալ չարթերային չվերթներով կամ շարունակել հանգիստը մինչև նշանակված թռիչքի օրը:

Վերջին մի քանի շաբաթների ընթացքում Թուրքիայում աճում է կորոնավիրուսով վարակված քաղաքացիների թիվը: Գոլիկովայի խոսքով՝ կորոնավիրուսային դեպքեր ամենաշատը հենց Թուրքիայից է Ռուսաստան բերվել:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am