1000х90.jpg (78 KB)

Ղրղզստանի բնակիչներն առեղծվածային բռնկում են նկատել երկնքում

Armenpress 15:23, 7 Ապրիլ, 2021

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Ղրղզստանի բնակիչները երկնքում վառ բռնկում են նկատել, հնարավոր Է՝ երկնաքարի ընկնելուց: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել են իրադարձության ականատեսները: Նրանց խոսքով՝ նախօրյակին ժամը մոտավորապես 23:00-ին (Երեւանի ժամանակով 21:00-ին) երկնքում մայրաքաղաքից դեպի արեւմուտք երեւացել Է իջնող այրվող օբյեկտ՝ ամբողջ երկնակամարը լուսավորելով պայծառ բռնկումով:

Ընդ որում՝ ոչ մի ձայն չի լսվել: Օբյեկտի անկումը դիտել են Բիշքեկի եւ հանրապետության Չույսկի մարզի բնակիչները: Ստույգ տեղեկատվություն, թե արդյոք դա երկնաքար, գիսաստղ կամ ինչ-որ արբանյակի բաղադրամաս Է եղել, առայժմ չկա: «Մենք ճշտում ենք այն տեղեկատվությունը, թե ինչ Է դա եղել: Ըստ նախնական տվյալների, Ղրղզստանի տարածքում ոչ մի ավերածություն չկա»,-ապրիլի 7-ին ՌԻԱ Նովոստիին հայտնել են երկրի արտակարգ իրավիճակների նախարարության մամուլի ծառայությունում:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am