Իրանական ավիաընկերությունը վերսկսում է թռիչքները դեպի Մեծ Բրիտանիա
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Իրանական «Iran Air»-ը առաջիկա օրերին կվերսկսի թռիչքները դեպի Միացյալ Թագավորություն ՝ կատարելով հատուկ չվերթ: «Արմենպրես»-ի հաղորդմամբ՝ այս մասին հայտնում է IRNA-ն:
Նախատեսվում է, որ թռիչքն իրականացվելու է Մեծ Բրիտանիայից Իրանի քաղաքացիներին տուն տեղափոխելու համար:
Այդ թռիչքի բոլոր ուղևորները պետք է ունենան ՊՇՌ թեստի բացասական արդյունք՝ Միացյալ Թագավորության լիազորված կենտրոններից:
Բոլոր ուղևորները Թեհրան հասնելուն պես նորից թեստ են հանձնելու, իսկ հետո 14-օրյա կարանտինային ռեժիմով ուղարկվելու են հյուրանոցներ:
Կարծիքներ
Հարցազրույցներ
Փաստ մեկնաբանությամբ