ԵՐԵՎԱՆ, 14 ՀՈՒՆՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ ԱՐՄԵՆՊՐԵՍ: 1930 թ. հունվարի 14-ին ծնվել է Էդգար Հովհաննիսյանը՝ հայ երգահան, ՀՀ արվեստի վաստակավոր գործիչ, ՀՀ եւ ԽՍՀՄ ժողովրդական արտիստ (մահ.՝ 1998 թ.):

-1949 թ. հունվարի 14-ին մահացել է Գաբրիել Տեր-Միքելյանը՝ հայ ճարտարապետ, Վրացական ԽՍՀ արվեստի վաստակավոր գործիչ (ծնվ.՝ 1874 թ.):

-1957 թ. հունվարի 14-ին մահացել է Համֆրի Բոգարտը՝ ամերիկացի նշանավոր կինոդերասան, Ամերիկյան կինոակադեմիան ամերիկյան բոլոր ժամանակների ֆիլմերի 100 մեծագույն աստղերի իր հրապարակած ցանկում նրան ընդգրկել է պատվավոր 1-ին տեղում (ծնվ.՝ 1899 թ.):

-1966 թ. հունվարի 14-ին մահացել է Սերգեյ Կորոլյովը՝ ուկրաինացի նշանավոր գիտնական, հրթիռատիեզերական համակարգերի կոնստրուկտոր (ծնվ.՝ 1906 թ.):

-1991 թ. հունվարի 14-ին Վրաստանն ընդունեց իր պետական դրոշը:

-1920 թ. հունվարի 14-ին ծնվել է  Նորայր Ավագյանը՝ հայ դատաբժիշկ, փորձագետ, բժշկական գիտությունների դոկտոր (1963), պրոֆեսոր (1963)։

-1873 թ. հունվարի 14-ին ծնվել է Վանո Խոջաբեկյանը՝ թիֆլիսահայ ինքնուս գծանկարիչ:

Հիշարժան փաստեր

- Եթե Հին Հռոմում թատերական ներկայացումների ժամանակ պետք է հերոսը մեռներ եւ արյուն թափվեր, ապա դերասանին վերջին պահին փոխարինում էին որեւէ ստրուկի կամ մահապատժի դատապարտվածի հետ եւ իրականում բեմի վրա սպանում նրան:

-Աշխարհում ամենաշատ անունը, որը կրում են աղջիկները, Աննան է: Այդ անունը կրում են մոտ 100 միլիոն աղջիկներ...

- Մոռանալու հատկության շնորհիվ մենք պահպանում ենք նյարդային համակարգի ճկունությունը: Նոր բաներ մտապահելու համար ուղեղը պետք է ազատվի հներից: Իհարկե, հիանալի կլիներ, եթե հնարավորություն ունենայինք ինքներս որոշել՝ ինչը հիշել, ինչը մոռանալ:

-Միջին ամպը կշռում է մոտ 495 հազար կիլոգրամ (մոտավորապես՝ 100 փիղ):

- ԱՄՆ պետական դեպարտամենտի տվյալներով՝ ամերիկացիների երկու երրորդն անձնագիր չունի։

- Եթե դուք ֆիննական կամ սլովենական անձնագիր ունեք, հաստատ չեք տխրի օդանավակայանում. կարող եք զբաղվել անձնագիրն արագ թերթելով, այդ դեպքում շարժվող պատկերներ կտեսնեք։

Մ. Ա.