Կազմակերպիչները պատմել են, թե ինչպես է անցկացվելու Բայդենի երդմնակալության արարողությունը
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ նախագահի պաշտոնում Ջոզեֆ Բայդենի երդմնակալության արարողությունը մեծամասամբ կանցկացվի վիրտուալ ֆորմատով՝ կապված կորոնավիրուսի պանդեմիայի հետ:
Ինչպես փոխանցում է «Արմենպրես»-ը, այդ մասին CNN հեռուստաընկերությանը տեղեկացրել է դեմոկրատ կոնգրեսական Ջեյմս Կլայբերնը:
Վերջինս նշանակվել է արարողության կազմակերպչական հանձնաժողովի նախագահ: Միջոցառումը տեղի է ունենալու 2021 թվականի հունվարի 20-ին: Կլայբերնի խոսքով՝ արարողությունը կանցկացվի մոտավորապես այնպես, ինչպես օգոստոսին Միլոուկիում անցկացվել է Դեմոկրատական կուսակցության ժողովը: Այն մեծամասամբ անցկացվել է վիրտուալ ձևաչափով:
«Կարծում եմ, նախագահը երդմնակալությունը կանցկացնի ավանդական կերպով, սակայն այս անգամ արարողության 75-80 տոկոսը կլինի վիրտուալ: