Վաշինգտոնի քաղաքագլուխը նախազգուշացրել Է ընտրությունների օրը հնարավոր անկարգությունների մասին
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Վաշինգտոնի քաղաքագլուխ Մյուրիել Բոուզերը նախազգուշացրել Է, որ առանձին մարդիկ կցանկանային ընտրությունների օրն անկարգություններ կազմակերպել քաղաքում, տեղեկացնում Է «Արմենպրես»-ը:
«Մենք նաեւ գիտենք, որ առանձին մարդիկ կցանկանային քաոս կամ անկարգություններ ստեղծել: Մենք ոչ մի կոնկրետ տեղեկատվություն չունենք դրա վերաբերյալ: Բայց մենք ասենք, որ պատրաստվում ենք այն բանին, որպեսզի երաշխավորենք քաղաքի անվտանգությունը»,-հայտարարել Է նա առցանց խորհրդաժողովի ժամանակ:
«Մենք դեռ լրացուցիչ պահանջներով չենք դիմել Ազգային գվարդիային: Սակայն այն գտնվում Է տագնապի պատրաստ վիճակում այն դեպքում, եթե մեզ անհրաժեշտ լինի փոխել այդ իրադրությունը»,-ընդգծել Է նա: Նա նաեւ քաղաքացիներին հորդորել Է՝ օգտվել վաղաժամկետ քվեարկելու հնարավորությունից եւ չսպասել մինչեւ վերջին պահը, հաղորդել Է ՌԻԱ Նովոստին: