Զոհվել է ՀՀ Ազգային ժողովի նախկին պատգամավոր Դավիթ Մաթևոսյանը
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի դեմ Ադրբեջանի սանձազերծած ռազմական գործողություններում զոհվել է ՀՀ Ազգային ժողովի նախկին պատգամավոր Դավիթ Մաթևոսյանը:
Զոհվելու լուրը հայտնել է Մաթևոսյանի դուստրը: «Հայրս, որ իր կյանքը նվիրել էր ազատ ու երջանիկ Հայաստանի կերտմանը , զոհվեց հանուն Հայաստանի…»,-սոցիալական ցանցի իր էջում գրել է Հերմինե Մաթևոսյանը:
Դավիթ Մաթևոսյանը ծնվել է 1960թ. մարտի 22-ին Մեղրիի շրջանի Կարճեւան գյուղում: Ավարտել է Հայկական գյուղատնտեսական ինստիտուտը` ինժեներ հիդրոտեխնիկի որակավորմամբ: 1982-83-ին աշխատել է Ագարակի հանքաշինական վարչությունում աշխղեկ, 1983-84-ին` Մեղրիի ոռոգման եւ ջրարբիացման համակարգերի վարչությունում ինժեներ, 1984-85-ին` ՀԼԿԵՄ Մեղրիի շրջկոմի հրահանգիչ, 1985-1991-ին` Կարճեւանի պետտնտեսության տնօրեն, 1991-95-ին` Մեղրիի ՆԳ բաժնի պետ: 1995թ. ընտրվել է առաջին գումարման Ազգային ժողովի պատգամավոր, եղել է անկուսակցական, «Հանրապետություն» խմբակցության անդամ:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը