Ստեփանակերտի հրթիռակոծությունից տուժել է 3 քաղաքացի. նրանց տեղափոխել են հիվանդանոց
ՍՏԵՓԱՆԱԿԵՐՏ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Ստեփանակերտի ուղղությամբ ադրբեջանական զինված ուժերի հրթիռակոծությունից տուժել է 3 քաղաքացիական անձ, ավերվել են բնակարաններ, ինչպես նաև հարված է հասցվել տնտեսական նշանակության մեկ օբյեկտի:
«Արմենպրես»-ի հաղորդմամբ՝ Արցախի Արտակարգ իրավիճակների պետական ծառայությունից հայտնում են, որ տուժածներին տեղափոխել են հիվանդանոց:
«Գիշերվա ընթացքում հակառակորդը տարբեր զինատեսակներով ու կասետային ռումբերով հրթիռակոծել է կենտրոնական ու ծայրամասային մի քանի փողոց՝ զգալի վնաս հասցրել մարդկանց սեփական ունեցվածքին, ավերել բնակարաններ: Նաև տնտեսական նշանակության մեկ օբյեկտի է հարված հասել»,- նշում են Արցախի ԱԻ ՊԾ-ից և հավելում, որ ընդհանուր վնասների չափը ճշտվում է:
Արցախի Մարդու իրավունքների պաշտպան Արտակ Բեգլարյանն էլ «Տելեգրամ»-ի իր ալիքում Ստեփանակերտի գիշերային հրթիռակոծության հետևանքների վերաբերյալ տեսանյութ է հրապարակել: «Ստեփանակերտի խաղաղ բնակավայրերի ուղղությամբ Ադրբեջանի կողմից 6 ծանր հրթիռով դիտավորյալ հարվածների հետևանքներն են»,- կից գրել է Բեգլարյանը:
Ադրբեջանը շարունակում է քաղաքացիական ենթակառուցվածքների, խաղաղ բնակիչների ուղղությամբ հարվածները: Արցախում նվազագույնը 34 խաղաղ բնակիչ է զոհվել Ադրբեջանի ագրեսիայի հետևանքով:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը