«Ռոմա»-«Յուվենտուս» հանդիպումն ավարտվեց ոչ-ոքի. Մխիթարյանը մասնակցեց խաղին
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Իտալիայի ֆուտբոլի առաջնության 2-րդ տուրի շրջանակներում «Ռոմա»-ն սեփական հարկի տակ ընդունեց «Յուվենտուս»-ին:
«Արմենպրես»-ի հաղորդմամբ` մայրաքաղաքային թիմին հաջողվեց առաջինը բացել հաշիվը: 31-րդ րոպեին 11 մետրանոց հարվածն անվրեպ իրացրեց Վերետուն: Սակայն առաջին կեսի ավարտին կրկին 11 մետրանոցի շնորհիվ Ռոնալդուն հավասարեցրեց հաշվի տարբերությունը: Սակայն մինչ ընդմիջումը` ստանալով Մխիթարյանի փոխանցումը նույն Վերետուն առաջ մղեց «Ռոմա»-ին: Հանդիպման 69-րդ րոպեին նույն Ռոնալդուն հաշիվը դարձրեց 2:2: «Ռոմա»-«Յուվենտուս»` 2:2:
Հայաստանի ֆուտբոլի ազգային թիմի ավագ Հենրիխ Մխիթարյանը «Ռոմա»-ի մեկնարկային կազմում էր, մասնակցեց ամբողջ խաղին և դարձավ գոլային փոխանցման հեղինակ:
Այս տուրից հետո «Ռոմա»-ն մրցաշարային աղյուսակում 13-րդն է, իսկ «Յուվենտուս»-ը` 5-րդը: