ԱԱԾ-ն անդրադարձել է ադրբեջանցի հաքերների կողմից հայկական կայքերի աշխատանքը խափանելու փորձերին
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության ազգային անվտանգության ծառայությունը հայտարարություն է տարածել ադրբեջանցի հաքերների կողմից հայկական որոշ կայքերի աշխատանքը խափանելու փորձի վերաբերյալ: «Արմենպրես»-ը ներկայացնում է ՀՀ ԱԱԾ-ի հայտարարությունը.
«ՀՀ Ազգային անվտանգության ծառայությունը տեղեկացնում է, որ 1in.am, armenpress.am, news.am, mamul.am և մի շարք այլ լրատվական կայքերը պայմանագրային հիմունքներով գտնվում են արտերկրյա «Cloudflare» ընկերության սերվերային տիրույթում և ադրբեջանական հաքերների կողմից փոփոխվել են այդ կայքերի կարգավորումները, որոնք կարճ ժամանակում շտկվել են:
Լրատվական կայքերը սպասարկող մասնագիտական անձնակազմը շարունակաբար ստանում է համապատասխան աջակցություն՝ անվտանգության ապահովման նկատառումներով»: