Հրաձգության առաջնությանը կմասնակցեն ութ տասնյակ մարզիկներ
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի հրաձգության 2020 թվականի առաջնությանը կմասնակցեն 80 մարզիկներ Երևանի և Գյումրու մարզադպրոցներից:
«Արմենպրես»-ի հետ զրույցում այս մասին հայտնեց Հայաստանի հավաքականի գլխավոր մարզիչ Սեյրան Նիկողոսյանը: Վերջինիս խոսքով` թեպետ դժվար ժամանակներ են, սակայն հրաձիգներին հաջողվել է պահպանել մարզավիճակը: «Մենք որոշ չափով մարզումներ անցկացրել ենք: Ամեն դեպքում ես դժգոհ չեմ մեր մարզիկների կատարած աշխատանքից: Առաջնությանը կմասնակցեն 80 մարզիկներ»,-ասաց Նիկողոսյանը:
Առաջնության ավարտին կձևավորվի հավաքական թիմ, որն էլ կմասնակցի Ուկրաինայում կայանալիք բաց առաջնությանը: Այն կկայանա հոկտեմբերի 17-24-ը:
Կարծիքներ
Հարցազրույցներ
Փաստ մեկնաբանությամբ